Home / Poetry / ZULF-E-JANAN KA AITBAAR NAHI

ZULF-E-JANAN KA AITBAAR NAHI

Zulf-e-janan ka aitbar nahi
Ye ghani chaun paidar nahi

Hai nazar band or sab khamosh
Apni shai par bhi ikhtyar nahi

Mutmain hain khizan main ahl-e-chaman
In ko andaza-e-bahar nahi

Ishq ki behasi ka ye aalam
Koi talkhi bhi nagawar nahi

Jeet in ki mahaz-e-ulfat par
Dar Haqiqat ksi ki haar nahi

Sabar bandy ko hai bahr surat
Banda parwar ko hai qarar nahi

Hussan ki tashnagi ko hai ehsaas
Ishq sehraa hai, abshaar nahi

“Aaj” wo dagmagaty phirty hain
“Kal” ka hai jin ko intzaar nahi

Bawal-e-hawas ko bhi ishaq karny do
Aashiqui ab churri ki dhaar nahi

Bulbulon ko qaseedy parhny do
Phool Khilta hai baar baar nahi

Asap taazi hai jin ke hathon main
Tufl-e-maktab hain shahsawar nahi

Wo hamary Ayyuoob(Aaib) Ginty hain
Jin k aebon ka shumar nahi

Kon kehta hai in ke ghamzy ko
Aahd-e-nou ka hai shahkar nahi

Poet: kaif Firdosi
Published by: Faizan Mukhtar

Leave a Reply

Your email address will not be published. Required fields are marked *