Home / Poetry / In ko Izzat-e-Ma’aab kehty hain

In ko Izzat-e-Ma’aab kehty hain

In ko izzat-e-ma’aab kehty hain
Ehad-e-mazi ka khawab kehty hain

Jisko hum intikhab kehty hain
Ahl-e-dil istiraab kehty hain

kam sunni ko shabbab kehty hain
mashal-e-inqlaab kehty hain

Mard bebak ko jahan deda
Rind-e-khana kharab kehty hain

Apny yousaf ke chaak daaman ko
hum zulekha ka khawab kehty hain

Jisko inka nayaz hasil hai
hum isy kamyab kehty hain

inky lab ne jisy nawaz diya
log is ko sharab kehty hain

hussan-e-badmast ke paseeny ko
Log eatr-e-gulaab kehty hain

Taalib-e-deed pr jo parti hai
Log iskko nazar-e-eutaab kehty hain

Apny Uljhy hue masail ko 
Zulf ka pecho–taab kehty hain

Ahl-e-emaan mery gunahon ko
Apny dil main sawaab kehty hain

Shokh karty hain hussan ko sha’ir
Phir ghazal behisaab kehty hain

Khawaan-e-yaghma pe beshtar chamchy
Tashtri ko bhi qaab kehty hain

Wo to Selaab hai magar khamosh
Ap jisko hibaab kehty hain

Poet: Kaif Firdosi
Published by Faizan Mukhtar

Leave a Reply

Your email address will not be published. Required fields are marked *